- Estiveron na Escola Infantil Municipal, no CODI e visitaron aos usuarios do Centro de Día

- Melchor, Gaspar e Baltasar tamén acudiron ao festival que celebraron en Chanteclair o CRA e os colexios de Baño e Cordeiro

Magos1

Valga, 21 de decembro de 2018.

Os Reis Magos estiveron esta mañá en Valga, saudando e enchendo de ilusión a os máis pequenos e visitando aos usuarios do CODI e do Centro de Día. Melchor, Gaspar e Baltasar, acompañados polos seus paxes, adiantaron a súa chegada á vila para recoller as últimas cartas dos rapaces e asegurarse de que ningún quedará sen xoguete este Nadal.

A súa visita comezou pola Escola Infantil Municipal, onde os nenos e o equipo educativo os recibiron con vítores e moita ledicia. Os Magos de Oriente repartiron caramelos entre os pequerrechos, que puideron saudalos e facerlle as súas peticións de regalos.

A seguinte parada da comitiva real foi no CODI, para alegría dos seus usuarios, que os estaban agardando con moita impaciencia. Tamén alí, os Reis repartiron caramelos e saudaron aos familiares que se achegaron ao centro con motivo desta visita tan especial.

Foi unha mañá de moito traballo para Melchor, Gaspar e Baltasar, que a continuación se desprazaron ata a sala de festas Chanteclair, onde o alumnado dos colexios Baño-Xanza e Xesús Ferro Couselo e das escolas unitarias de Campaña, Chenlo, Ferreirós, Forno, Vilarello e Xanza estaban a celebrar un festival de Nadal. Dende o escenario os Magos dirixíronse a todos os rapaces, instalaron o seu buzón real para que deixaran as súas cartas e foronos recibindo un por un.

Por último, antes de despedirse, os Reis fixeron tamén unha visita ao Centro de Día para saudar aos seus usuarios.

Os Magos regresarán a Valga o vindeiro 5 de xaneiro, para percorrer o municipio na tradicional Cabalgata e, pola noite, deixar os regalos en todos os fogares.

Magos2 Magos3

Magos4 Magos5

Magos6 Magos7

Magos8 Magos9

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver