Accessibility Tools

NOVAS DO CONCELLO

- Colocáronse monolitos nas entradas dende Caldas, Catoira, Cuntis, Pontecesures e A Estrada dando a benvida aos visitantes

- Incorporan imaxes dos recursos máis emblemáticos do municipio para dar valor a Valga como destino

sinalizacionfronteiriza1

Valga, 6 de novembro 2018.

O concello de Valga conta xa cunha nova sinalización fronteiriza, que foi instalada nas últimas semanas pola empresa Señalizaciones Villar S.A. nas principais vías de acceso á localidade. Estes monolitos informativos sirven como delimitadoras do termo municipal e, ademais, como recibimento para todos os visitantes, dando valor a Valga como destino de interese turístico.

Colocáronse dous tipos de sinais en función do seu emprazamento. De 5 metros de altura por 1,1 de ancho nas vías de acceso principais, e outras máis reducidas de 4 de alto por 1,1 de ancho nas vías secundarias. En ámbolos dous casos a estrutura interior é de aceiro galvanizado e os paneis de revestimento de aluminio. O deseño foi estampado mediante técnicas de impresión dixital con tintas ecosolventes e biodegradables sobre vinilo e co emprego de material reflectante.

A renovada sinalización incorpora imaxes e ilustracións de recursos emblemáticos do municipio como a Bella Otero, a Mina Mercedes ou as fervenzas, por citar só algúns exemplos. Acompáñanse do slogan “Berce da Ría de Arousa” e a palabra “Benvidos” en seis idiomas: galego, castelán, inglés, francés, alemán e portugués.

As sinais de 5 metros de altura ubicáronse nos seguintes puntos:

   - Na estrada N-550 na entrada a Valga dende Pontecesures, á altura da Tarroeira.

   - Na estrada N-550 na entrada a Valga dende Caldas, á altura da ponte da autopista AP-9.

    - Na estrada PO-548 na entrada a Valga dende Pontecesures, no entorno da rotonda da Charca.

    - Na estrada PO-548 na entrada a Valga dende Catoira, no Alto de Cordeiro.

As sinais de 4 metros de alto emprazaranse nos seguintes lugares:

    - Na estrada PO-220 na entrada a Valga dende Cuntis, en Casaldeirigo.

    - Na estrada municipal que da entrada a Valga dende A Estrada, nos Martores.

    - Na estrada que comunica Vilar con Santa Baia (Catoira)

    - Na estrada municipal de entrada a Valga dende Pontecesures, á altura da Devesa.

Ademais, dentro da mesma actuación, instaláronse outras 55 sinais indicativas de lugares, que foi unha das melloras ofertadas pola empresa adxudicataria.

O proxecto, que foi subvencionado por Turismo de Galicia, contou cun orzamento de 47.976 euros.

sinalizacionfronteiriza2 sinalizacionfronteiriza1

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver