- A igrexa parroquial de San Miguel acolleu unha cerimonia relixiosa na honra da Virxe do Pilar

- O sarxento-comandante do posto valgués, Antonio Álvarez, e o alcalde, José María Bello Maneiro, presidiron o acto

pilar1

Valga, 12 de outubro de 2018.

A Garda Civil de Valga celebrou este mediodía a festividade da súa patroa, a Virxe do Pilar, cunha cerimonia relixiosa na igrexa parroquial de San Miguel que estivo presidida polo sarxento-comandante do posto valgués da Benemérita, Antonio Álvarez, e o alcalde José María Bello Maneiro.

O goberno municipal estivo igualmente representado polo concelleiro de Seguridade, José Lagos, e o edil de Facenda, José Ángel Souto, e acompañaron tamén á Garda Civil nesta xornada efectivos da Policía Local e da agrupación de voluntarios de Protección Civil, así como familiares e achegados dos gardas e outros veciños.

A cerimonia relixiosa estivo oficiada polo párroco de San Miguel, Arturo Lores Santamaría, que aludiu á “confianza” que a sociedade ten depositada na Garda Civil e destacou que as liberdades das que goza a cidadanía non serían posibles sen este corpo de seguridade. A misa contou tamén coa participación de José María Muñoz, axudante do capelán castrense da Brilat, que referiuse á Virxe do Pilar como “a columna” que sostén á Garda Civil e a axuda “a seguir cumprindo co servizo que presta día a día".

Unha vez rematado este acto, os asistentes trasladáronse ao cuartel de Valga para participar nunha comida.

pilar2 pilar3

pilar4 pilar5

pilar6 pilar7

pilar8

boton auditorio

boton casa cultura

boton codi

boton sede electronica

boton bandos

boton youtube largo

boton rueiro

boton directorio

boton radio

boton tempo

Volver