- A actividade, que terá lugar o venres 26 con motivo do Samaín, conta con 15 prazas dispoñibles

- A velada na biblioteca de Cordeiro incluirá obradoiros, contos de cine de misterio

terror

Valga, 12 de outubro de 2018.

Rapaces de entre 11 e 13 anos de idade –que estén cursando 6º de Primaria, 1º ou 2º da ESO- poden inscribirse a partir do vindeiro luns, día 16, e ata o xoves 19 na “Noite de terror na biblioteca” que terá lugar o venres, 26 de outubro, con motivo da festividade do Samaín. Son quince as prazas dispoñibles e cubriranse por rigorosa orde de inscrición, tendo prioridade aqueles mozos que non participaran en anteriores edicións da actividade.

A iniciativa, organizada polo Concello e as bibliotecas municipais, desenvolverase no centro de lectura do Auditorio de Cordeiro, onde os participantes pasarán unha noite chea de actividades. Ás 21 horas terá lugar a benvida e a presentación e, a continuación, desenvolveranse obradoiros terroríficos, relataranse contos de terror e misterio e proxectarase unha película de medo a partir da medianoite.

Ademais desta “Noite de terror na biblioteca”, o Auditorio Municipal festexará o Samaín con máis actividades. O mesmo vernes 26, a partir das 17:30 horas, haberá unha sesión de “Contos para pasalo de medo”. E o mércores 31, á mesma hora, terá lugar a festa “Samaín con chocolatada”. A participación nestas dúas actividades é gratuíta para todo o público que queira asistir.

terror

boton auditorio

boton casa cultura

boton codi

boton sede electronica

boton bandos

boton youtube largo

boton bella otero

boton rueiro

boton directorio

boton radio

boton tempo

Volver