Accessibility Tools

NOVAS DO CONCELLO

- Empregaron materiais reutilizables como botellas de plástico, cartón e cartolinas

- Coñeceron algúns dos vehículos e viaxes espaciais que marcaron a historia e o funcionamento da Estación Espacial Internacional

foguetes10

Valga, 31 de xullo de 2018.

A Casa da Cultura de Valga acolleu esta mañá un obradoiro de foguetes organizado polas bibliotecas municipais e no que participaron 25 rapaces da Escola de Verán de entre 5 e 14 anos de idade. Da man da compañía Ciencia en Ruta, integrada por Antonio García Viñesa e Juan Jesús Freire, tiveron a oportunidade de construír os seus propios proxectís e lanzalos.

A actividade tivo un marcado carácter didáctico, explicándolles aos asistentes algunhas das leis físicas que interveñen no funcionamento dun foguete, como a lei da gravitación universal de Isaac Newton ou as leis da inercia, da forza e da acción-reacción. Os rapaces coñeceron algúns dos vehículos e viaxes espaciais que marcaron a historia. Entre os primeiros, o Soyuz ruso, única nave para o transporte de persoas ao espacio que está en funcionamento na actualidade. No tocante ás viaxes, a chegada do home á lúa ou a historia da cadela Laika foron algúns dos contidos que máis chamaron a atención dos nenos.

Esta primeira parte do obradoiro incluíu explicacións sobre a Estación Espacial Internacional e o traballo que os astronautas e investigadores realizan nela e tamén sobre a Axencia Espacial Europea (ESA) e a súa familia de vehículos Ariane. O foguete Ariante 6 está actualmente en construción e o seu lanzamento está previsto para o 2020.

Tralos contidos teóricos, chegou o momento no que os rapaces, divididos en equipos, construíron os seus propios foguetes empregando materiais reutilizables como botellas de plástico, cartóns e cartolinas. Despois desprazáronse todos ata o Parque Irmáns Dios Mosquera para bolalos coa axuda dunha lanzadeira.

As actividades organizadas polas bibliotecas municipais para o verán continúan o xoves no Auditorio Municipal con "As historias viaxeiras. Kamishibai e teatro de papel", unha singular montaxe na que, a través da manipulación do kamishibai e adaptacións do teatro de papel, os nenos poderán coñecer contos e lendas de todos os continentes e achegarse a valores relacionados coa cooperación, a igualdade, a concienciación ambiental e a paixón pola lectura.

O obradoiro comezará ás 11 horas e a entrada é de balde para todos os rapaces que queiran asistir.

 foguetes2 foguetes1

foguetes3 foguetes4

foguetes5 foguetes6

foguetes7 foguetes8

                 foguetes11                    foguetes12

 

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver