O CONCURSO “EMBELECER VALGA” SACA A IMAXE MÁIS FERMOSA DOS PARQUES, PRAZAS E ESPAZOS PÚBLICOS

NOVAS DO CONCELLO

- O xurado percorreu na fin de semana trintena de lugares que se inscribiron no certame

- Os gañadores daranse a coñecer o vindeiro sábado durante a XXXV Festa da Anguía e Mostra da Caña do País, repartíndose premios por valor de 1.600 euros

Embelecer25 1

^{Valga, 25 de agosto de 2025.}

_{O xurado percorreu esta fin de semana os lugares que concorreron ao concurso “Embelecer Valga”, que premia os parques, prazas e espazos máis fermosos engalanados e acondicionados polos veciños con materiais aportados polo Concello. Este certame é convocado anualmente co obxectivo de implicar á cidadanía no coidado dos lugares públicos, acometendo proxectos de mellora e accións de limpeza, dotación de equipamentos ou ornamentación.}

_{O certame distingue entre dúas categorías. A primeira, obras novas que supuxeron a creación dun novo espazo ou a rehabilitación dalgún ben ou zona que se atopaba abandonada e que precisaba dunha actuación maior para a súa conservación ou restauración. E, por outra, a categoría de mantemento para lugares que xa dispoñían de construcións feitas, tales como parques, centros sociais ou culturais, xardíns acondicionados ou estruturas rehabilitadas, co obxectivo de garantir a súa conservación a través de obras menores e traballos de limpeza, xardinaría ou ornamentación.}

_{As actuacións levadas a cabo foron as seguintes:}

^{Modalidade “Obra nova”:}

^Campaña:^{Creación de local social para actividades socioculturais}
^{IES de Valga:}^{creación de xardín e mellora paisaxística}
^Raxoi:^{recuperación de zona de xogos infantís}
^{San Miguel:}^{recuperación de fonte}
^{Praza Vicente Cousiño:}^{mellora da fonte e da contorna}

^{Modalidade “Mantemento”:}

^{A Medela:}^{mantemento da fonte}
^Balleas:^{limpeza e conservación do lavadoiro e mantemento do parque}
^Barcia:^{melloras no parque}
^Barro:^{acondicionamento do parque}
^Beiro:^{actuacións no lavadoiro, parque a agro de arriba}
^Canle:^{mantemento do parque}
^Carballiño:^{acondicionamento do parque do Quinteiro}
^Cerneira:^{acondicionamento de zona de lecer}
^Cimadevila:^{mantemento do parque e da fonte}
^CODI:^{actuacións de mantemento na contorna e no centro}
^{Colexio Baño-Xanza:}^{melloras nos xardíns e patios}
^Eiras:^{mantemento do lavadoiro}
^{Eirexe (Campaña):}^{adecentamento da contorna da igrexa parroquial}
^{Escola Infantil Municipal:}^{melloras en zonas exteriores e interiores}
^Ferreirós:^{rehabilitación da contorna do talude da estrada PO-190}
^{Ferreirós – Parque:}^{traballos de mantemento}
^Gándara:^{mantemento do parque}
^Laceiras:^{actuacións no parque}
^Laxes:^{conservación do pozo da Lameira e axardinamento}
^{Miradoiro da Perdiz:}^{restauración de banco de madeira e mantemento da zona}
^{Praza do Souto:}^{traballos de acondicionamento}
^{San Miguel:}^{acondicionamento da contorna do cruceiro}
^{Vilar – Parque:}^{traballos de mantemento}
^Vilarello:^{actuacións nos lavadoiros, parque, marquesiña e casa veciñal}

_{Membros das diferentes comisións participantes foron os encargados de valorar as obras de nova factura, mentres que na categoría de mantemento o xurado estivo formado por representantes do Concello. Nos dous casos valoráronse aspectos como adecuación final á memoria presentada, a orixinalidade e a creatividade nos deseños e elementos decorativos, o aproveitamento dos recursos e materiais da zona, a conservación e deseño de espazos verdes coma xardíns e áreas recreativas, a recuperación de elementos existentes no lugar e o fomento da cultura e da tradición locais.}

_{O proxecto mellor valorado na categoría de “Mantemento” será gratificado con 500 euros, o segundo levará 300 euros e o terceiro, 200 euros. Na modalidade de “Obra nova” os premios serán de 300, 200 e 100 euros. O resto de comisións participantes recibirán 100 euros.}

_{Os gañadores daranse a coñecer o día 30 de agosto durante a celebración da XXXV Festa da Anguía e Mostra da Caña do País.}