- Simulouse un incendio e cronometrouse o tempo que tardaron en saír do edificio
- Participaron o Grupo de Emerxencias, a Policía Local e voluntarios de Protección Civil
Valga, 24 de maio de 2018.
A Escola Infantil Municipal levou a cabo esta mañá un simulacro de evacuación que contou coa participación do Grupo de Emerxencias, a Policía Local e voluntarios da agrupación de Protección Civil.
Tras declararse un incendio no despacho da dirección, o persoal docente guiou ao alumnado ata o exterior do centro, empregando as saídas máis próximas a cada aula, e reunironse todos nun punto de encontro concertado previamente.
Os servizos de emexencias contraloron que a evacuación se realizase de xeito correcto e cronometraron o tempo que durou. É importante facelo o máis rápido posible pero tamén asegurarse de que ninguén queda dentro, por iso é preciso revisar as aulas unha por unha e facer un reconto dos nenos unha vez estean a salvo. De producirse un incendio real, á chegada das emerxencias debería estar o reconto xa feito para que os efectivos sepan se, ademais de extinguir o lume, deben buscar a algunha vítima.
Complementario a este simulacro, a Escola Infantil Municipal ten redactado un Plan de Evacuación que recolle sobre o papel todos os pasos a seguir en caso de incendio ou outra emerxencia que obrigue a abandonar o centro de forma precipitada.
Mañá realizarase un ensaio similar no IES de Valga.