- Os produtos repartiranse entre veciños e familias de Valga en situación de vulnerabilidade

- Os obradoiros e showcookings foron gratuítos, pero tiñan un carácter solidario

^{Valga, 3 de setembro de 2024.}

^{As actividades organizadas polo Concello de Valga na cuarta edición do “Agosto Gastronómico” conseguiron reunir 222 quilos de alimentos para axudar ás familias en situación de vulnerabilidade do municipio.}

^{A segunda tenente de alcalde, Carmen Gómez, e o Concelleiro de Cultura, Pedro Calvo, fixeron hoxe reconto de todos os produtos recadados grazas á solidariedade de todos os participantes nos obradoiros, showcookings e outras actividades gastronómicas que se desenvolveron durante o mes de agosto. Todas eran gratuítas pero tiñan un carácter benéfico, aportando produtos –preferiblemente non perecedoiros– para axudar a persoas ou familias que pasan por dificultades económicas.}

^{Entre os alimentos doados hai 59 quilos de pasta, 52 de arroz, 25 de leite, 18 de legumes, 18 de fariña e outros 18 de conservas, 16 de aceite e vinagre, 10 de galletas, 4 de azucre e 2 de zumes, entre outros. Todos serán clasificados e almacenados polo departamento municipal de Servizos Sociais para o seu reparto entre as familias sen recursos, en situación ou risco de exclusión.}