- Ademais de fútbol, que é o deporte central, tamén practican outras disciplinas coma baloncesto ou pádel

- Os participantes teñen entre 4 anos de idade (categoría biberón) e 15 (cadete)

^{Valga, 27 de xuño de 2024.}

^{O Cordeiro C.F. está a desenvolver un campus de verán no que participar un total de noventa rapaces de idades comprendidas entre 4 anos (categoría biberón) ata 15 (cadete). A actividade, que comezou o día 24 de xuño e se prolongará ata o 5 de xullo, lévase a cabo nas instalacións deportivas de Campaña.}

^{Nesta primeira semana o número de participantes é de arredor de 80. Ás 9:30 dá comezo o campus, que nas primeiras horas da mañá, se centra en exercicios de quecemento e xogos de mobilidade e coordinación orientados á práctica do fútbol.}

^{Despois dunha merenda saudable, sobre as 11:30 horas retómanse as actividades coa práctica doutras disciplinas deportivas coma baloncesto, pádel ou rugby, entre outros, aproveitando que as instalacións municipais de Campaña contan con pistas multideporte.}

^{Na última parte da xornada, a partir das 13:00 aproximadamente, retoman o fútbol coa disputa de partidos divididos por categorías. Cada unha delas conta con dous adestradores.}

^{Na primeira semana de xullo serán uns vinte rapaces os que continúen no campus, no que, ademais de traballar aspectos técnicos e tácticos do fútbol, se promoven valores como o compañeirismo, o xogo limpo ou os bos hábitos alimentarios.}