- O responsable da cacharela debe cubrir un impreso comprometéndose a adoptar as medidas de seguridade necesarias

- Os servizos de emerxencias realizarán un seguimento durante a noite do 23 de xuño para previr posibles incidencias

^{Valga, 5 de xuño de 2024.}

^{O Concello de Valga ten aberto o prazo de solicitude de permisos para prender as tradicionais fogueiras na noite de San Xoán, do 23 ao 24 de xuño.}

^{As persoas interesadas en celebrar esta festividade deben cubrir un impreso comprometéndose a adoptar as medidas de seguridade precisas e indicando a parroquia e o lugar nos que se acenderá a cacharela, que quedará baixo a súa responsabilidade. Poden rexistrar a súa solicitude nas oficinas municipais, entregando tamén unha copia do DNI, ou descargar a folla na páxina web municipal (https://www.valga.gal/atencion-cidada/impresos-solicitudes) e enviar a documentación ao correo electrónico Este enderezo de correo está a ser protexido dos robots de correo lixo. Precisa activar o JavaScript para velo..}

^{O prazo para tramitar as autorizacións permanecerá aberto ata o martes 20 de xuño ás 15:00 horas.}

^{O listado completo de solicitudes será posto en coñecemento do Servizo de Defensa contra incendios do Distrito Forestal XIX Caldas-Salnés, así como dos servizos de emerxencias, que durante a noite de San Xoán, farán un seguimento das fogueiras para garantir que non se produzan incidentes.}

^{O Concello de Valga fai unha serie de RECOMENDACIÓNS aos veciños que vaian a celebrar o San Xoán co acendido de lume:}

• ^{En prol da seguridade, non facer moreas dunha altura excesivamente elevada}
• ^{Non facer a fogueira preto de lugares con vexetación}
• ^{Con exceso de vento non prender a fogueira}
• ^{Evitar usar nas cacharelas materiais que co vento poidan provocar un incendio (ramas de eucalipto, papeis, etc.)}
• ^{Procurar ter auga preto para actuar ante posibles escapes do lume}
• ^{Non utilizar na fogueira materiais contaminantes (pneumáticos, aerosois, etc.)}
• ^{Deixar a fogueira completamente apagada antes de marchar}
• ^{En caso de problemas, débese chamar ao 085 ou ao 112 (a chamada é gratuíta)}

Folla de solicitude