- O Concello tamén aporta as medallas para os gañadores e as instalacións deportivas de Campaña

- As competicións, en sete categorías diferentes, comezan esta fin de semana

^{Valga, 24 de maio de 2024.}

^{Representantes do Cordeiro C.F. recolleron esta mañá no CODI os trofeos que se entregarán na oitava edición do Torneo de Fútbol Base, que comeza esta fin de semana.}

^{O Concello colabora neste evento deportivo cedendo as instalacións municipais de Campaña e aportando, ademais, as medallas e trofeos. Estes foron deseñados e elaborados para a ocasión polos usuarios do CODI, un proceso que foi guiado pola artista local Ángeles Garrido.}

^{Fixeron un total de 77 trofeos nos que se representa un balón entrando nunha portería. Son de cerámica e están pintados con engobe de diferentes cores e esmaltados. Os soportes de madeira foron elaborados polo carpinteiro municipal. Os usuarios do CODI participaron en todo o proceso, dende o modelado con plantillas ata o pintado e pegado.}

^{O VIII Torneo de Fútbol Base organizado polo Cordeiro dá comezo mañá, xornada na que se disputarán os encontros das categorías cadete e xuvenil. O domingo será o turno de infantís e biberóns.}

^{As competicións retomaránse na primeira fin de semana de xuño cos partidos de categoría prebenxamín, benxamín e alevín.}

^{En total participarán no torneo, arredor de 1.800 xogadores de 122 equipos.}