- Os líbros atópanse no CODI, onde poden ser collidos en empréstito polas persoas que queiran lelos

- Son obras de mulleres, sobre mulleres ou sobre igualdade, tanto para adultos como para mozos e nenos

^{Valga, 8 de marzo de 2024.}

^{A “Maleta viaxeira” da Subdelegación do Goberno en Pontevedra recala en Valga durante tres meses cunha vintena de obras de mulleres, sobre mulleres ou nas que a igualdade é tema central. O subdelegado, Abel Losada, estivo esta mañá no CODI, onde se atopa a sede do Centro de Información á Muller (CIM) para facer entrega da maleta ao alcalde, José María Bello Maneiro, aos concelleiros Carmen Gómez e Pedro Calvo, e á responsable do CIM, Lorena Núñez. Tamén asistiu ao acto a voceira do grupo municipal socialista, María Ferreirós.}

^{Esta iniciativa trata de fomentar a igualdade e concienciar sobre a necesidade de seguir avanzando na loita contra a violencia de xénero a través da lectura. Ao mesmo tempo, pretende favorecer un pensamento crítico ante estereotipos e roles de xénero que se perpetúan socialmente e que desembocan na violencia machista.}

^{As obras que inclúe a maleta son:}

• ^{“El síndrome de la impostora”, de Elisabeth Cadoche e Anne de Montarlot}
• ^{“Comando Igualdade. A mocidade facendo a revolución feminista nas aulas”, de Chis Oliveira e Priscila Retamozo}
• ^{“Feminismos”, de Beatriz Ranea Triviño}
• ^{“Follas Novas”, de Rosalía de Castro}
• ^{“La tierra de las mujeres”, de Sandra Barneda}
• ^{“Nada que perder”, de Susana Fortes}
• ^{“La revuelta de las putas”, Amelia Tiganus}
• ^{“Bea á procura da luz”, sobre a vida da activista feminista Verónica Salazar}
• ^{“Mulleres represaliadas no cárcere de Tui (1936-1939), editado polo Concello de Tui}

^{Tamén conta cunha serie de lecturas infantís:}

• ^{“El diario violeta de Carlota”, de Gemma Lienas}
• ^{“Grandes mujeres que cambiaron el mundo”, de Kate Pankhurst}
• ^{“Las princesas también se tiran pedos”, de Ilan Brenman}

^{A maleta permanecerá no CODI durante tres meses, un tempo no que os libros poderán ser collidos en empréstito polos veciños que o desexen. Os lectores tamén poderán reflexar a súa experiencia a través de comentarios ou suxestións co obxectivo de contribuír a enriquecer esta iniciativa.}