- Como establece a normativa, aprobáronse as actas das sesións celebradas nas últimas semanas

- O sábado ás 13:30 horas constitúese a nova Corporación coa toma de posesión dos concelleiros e o nomeamento do alcalde

^{Valga, 15 de xuño de 2023.}

^{A lexislatura 2019-2023 pechouse onte coas reunións dos diferentes órganos do Concello, tal e como establece a normativa, antes da investidura do vindeiro sábado. Foron xuntas breves e de trámite para deixar aprobadas as actas das sesións anteriores e que, ademais, serviron de despedida dos concelleiros que deixan de formar parte da Corporación: José Lagos Aboy (PP), Javier Carballo García e Marcos Magán Iglesias (PSOE) e Manuel Castiñeiras García (Mareas), aínda que este último non asistiu á convocatoria.}

^{Reuniuse primeiro o Pleno e, a continuación, fixeron o propio a Xunta de Goberno Local e a Comisión de Coordinación.}

^{O vindeiro sábado, ás 13:30 horas, celebrarase o Pleno de constitución da nova Corporación 2023-2027. Ao comezo da sesión constituirase unha mesa de idade integrada polos concelleiros electos de maior e menor idade, ademais do secretario municipal. A súa función incluirá a comprobación das credenciais dos concelleiros electos, requisito previo á toma de posesión do cargo. Esta mesa presidirá tamén a elección e proclamación do novo alcalde.}

^{A orde do día do Pleno é a seguinte:}

^{1. Designación da Mesa de Idade}

^{2. Comprobacións previas á constitución do Concello}

^{3. Toma de posesión dos concelleiros electos}

^{4. Elección do alcalde}

       ^{- Proclamación de candidatos á Alcaldía}

       ^{- Elección do sistema de votación}

       ^{- Votación}

       ^{- Toma de posesión}