Accessibility Tools

NOVAS DO CONCELLO

- As obras de construción da estrutura acaban de contratarse por un importe de 48.261 euros

- O goberno local está a apostar pola mobilidade sustentable creando circuítos seguros para os desprazamentos a pé ou en bicicleta

ObraCarballiño1

Valga, 28 de abril de 2023.

A senda peonil que está en execución entre a zona do Carballiño (Xanza) e Pontevalga incluirá unha pasarela sobre o río Valga, unha obra que o Concello acaba de adxudicar e na que se investirán 48.261’19 euros do Plan Concellos.

Esta pasarela construirase en madeira e permitirá salvar a canle fluvial, cun ancho de dous metros e sen afectar á capacidade hidráulica actual do río. A actuación xa conta con autorización de Augas de Galicia.

O proxecto, ademais, inclúe un pequeno tramo de senda peonil e ciclable para dar continuidade ao circuíto que se está a acondicionar dende O Carballiño ata a rúa Doutor de Oya Salgueiro, nas inmediacións da Casa Consistorial. As características serán idénticas ás da senda que xa está en obras, con pavimento de xabre e dous metros de ancho.

O resultado será un sendeiro de case un quilómetro de lonxitude que ofrecerá unha opción segura para os desprazamentos a pé ou en bicicleta entre o Carballiño e o núcleo de Valga, aproveitando as alternativas que ofrece o propio territorio e fomentando a mobilidade amable e sustentable, para evitar no posible o uso de vehículos a motor.

ObraCarballiño2 ObraCarballiño3

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver