Accessibility Tools

NOVAS DO CONCELLO

- O alcalde e as concelleiras Carmen Gómez e Malena Isorna serán os representantes valgueses na feira, que se celebra a vindeira semana en Madrid

- O Xeodestino, do que forma parte Valga, prepara novas accións turísticas e culturais para reforzar o posicionamento da marca nacional e internacionalmente

MarSantiago

Valga, 14 de xaneiro de 2023.

Mar de Santiago presentará a vindeira semana na Feira Internacional de Turismo (Fitur) as liñas estratéxicas coas que traballará durante este ano para continuar posicionando, tanto nacional coma internacionalmente, o Xeodestino Turístico do que forman parte os concellos de Vilanova, Catoira, Valga e Pontecesures.

O venres, día 20, no stand de Galicia en Fitur terá lugar o acto de presentación, que se centrará en promocionar os recursos culturais, históricos, paisaxísticos e gastronómicos dos territorios que forman parte da marca, e sempre tendo como eixo principal a “Traslatio”, a ruta marítimo-fluvial pola que chegaron, no século I, os restos do Apóstolo Santiago dende Jaffa, dando orixe ao fito Xacobeo e ao fenómeno das peregrinacións.

Valga estará representada na feira polo alcalde, José María Bello Maneiro, a segunda tenente de alcalde, Carmen Gómez, e a concelleira de Turismo, Malena Isorna, que formarán parte da delegación de Mar de Santiago. Esta participará en varias xuntanzas de traballo con turoperadores e representantes de empresas e entidades vencelladas ao sector, co obxectivo de seguir reforzando o posicionamento da marca no mercado turístico. Dende a súa constitución, en 2021, Mar de Santiago ten conseguido crear e consolidar un produto turístico sólido e diferenciado ofrecendo aos peregrinos a posibilidade de continuar a experiencia Xacobea navegando á orixe das peregrinacións e vivindo a experiencia única da Traslatio.

Dende a posta en marcha deste proxecto, a estación marítima de Mar de Santiago ten rexistrado preto de 13.000 visitas, a marca tense presentado a máis de 100 turoperadores e creáronse e comercializáronse máis de vinte paquetes turísticos. O traballo realizado cristalizou o pasado ano coa posta en marcha da excursión Mar de Santiago, con saída todos os xoves do verán.

De cara á vindeira campaña, xa se traballa en novas accións turísticas e culturais que presentarán en Fitur co obxectivo de seguir atraendo visitantes aos concellos de Mar de Santiago.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver