- O párroco Arturo Lores recibiu o donativo e agradeceu a solidariedade do persoal

- A doazón permitirá axudar a familias de Valga e tamén doutras localidades da contorna

^{Valga, 23 de decembro de 2022.}

^{Os traballadores da empresa Urovesa, asentada en Campaña, son os protagonistas dunha nova acción solidaria que se desenvolveu no noso concello nestas datas de Nadal. Acaban de doar a Cáritas parroquial de Santa Comba de Cordeiro numerosos xoguetes e caixas de alimentos para axudar ás familias que pasan por dificultades económicas e que gocen, igualmente, destas festas tan especiais.}

^{As caixas que contiñan os xogos e os produtos de alimentación foron trasladadas ese mediodía ao local de Cáritas por traballadores da empresa e recibidos polo párroco, Arturo Lores, que agradeceu a solidariedade de todo o cadro de persoal de Urovesa e felicitouse ao comprobar que “nestas datas vívese moito máis a caridade”.}

^{Esta doazón permitirá axudar a familias tanto de Valga coma doutras localidades da contorna.}