Accessibility Tools

NOVAS DO CONCELLO

- A secretaria do Centro Rural Agrupado interviu como relatora no Encontro de Educación Infantil e Primaria

- Explicou ante 500 mestres como a transformación das aulas permitiu desenvolver métodos de aprendizaxe vivos e activos

RelatorioCRA1

Valga, 24 de novembro de 2022.

As escolas rurais do CRA de Valga e o seu método educativo seguen a suscitar o interese da comunidade educativa galega e así se puxo de manifesto nos Encontros de Educación Infantil e Primaria celebrados a pasada fin de semana na Cidade da Cultura, que contaron coa asistencia de 500 mestres.

Nestes encontros, que foron inaugurados polo Conselleiro de Cultura e Educación, Román Rodríguez, exerceu como relatora Antía Piñeiro, secretaria do CRA de Valga e titora da escola de Vilarello. O seu relatorio, “Transformando aulas”, versou sobre a importancia dos espazos para a implementación de metodoloxías vivas e activas na aula.

As escolas rurais de Valga e, particularmente, a de Vilarello son un exemplo de boas prácticas en canto a metodoloxías baseadas en proxectos, ambientes de aprendizaxe, atención á diversidade, ensino personalizado e individualizado e a apertura á contorna e a espazos naturais.

Cando Antía Piñeiro asumiu a titoría de Vilarello hai 6 anos, a escola estaba en risco de peche por falta de alumnado e pasou de 6 nenos matriculados a 16, coa particularidade de que proceden de dez concellos diferentes “porque os pais e nais atopan na metodoloxía de Valga a mellor opción educativa para os seus cativos e cativas”, destaca a mestra. Situación semellante dase no resto de escolas do CRA, que suman en total neste curso 86 alumnos dos que 33 son novas incorporacións, destacando un ano máis coma o CRA de Galicia con maior número de matriculacións.

Ademais, na súa intervención Antía Piñeiro destacou coma un dos puntos clave da boa saúde da que gozan as nosas escolas a colaboración constante e estreita entre o Concello e o CRA, impulsando accións e melloras que permitiron e favoreceron o cambio metodoloxía que está sendo tomado como exemplo pola comunidade educativa de Galicia.

RelatorioCRA2

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver