- As obras executaranse a través dun convenio coa Consellería de Medio Ambiente

- A anterior concesionaria declarouse en quebra e abandonou a instalacións con residuos irregularmente acumulados

PuntoLimpo

Valga, 14 de setembro de 2022.

O Concello acaba de sacar a licitación, pola vía de urxencia os traballos de baleirado, limpeza, segregación e xestión dos residuos irregularmente acumulados no Punto Limpo e na Planta de Residuos da Construción e derrubamentos, situados no lugar de Coto (Campaña).

Estas instalacións eran xestionadas en réxime de concesión administrativa, pero a última concesionaria declarouse en quebra e deixou as infraestruturas en estado de abandono, totalmente desbordadas e cunha separación deficiente dos residuos.

O Concello solicitou a colaboración da Consellería de Medio Ambiente, Territorio e Vivenda, coa que vén de asinar un convenio de colaboración para executar os labores de limpeza e rehabilitación da Planta de xestión de residuos e do Punto Limpo co obxectivo de recuperar a súa plena funcionalidade.

As empresas que queiran optar a adxudicación do contrato poden presentar as súas ofertas ata o vindeiro 21 de setembro.

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver