Accessibility Tools

NOVAS DO CONCELLO

- As infraestruturas, que comunican as dúas marxes do río Valga, foron executadas durante as últimas semanas

- De cara a esta noite, varios propietarios de parcelas próximas ao parque habilitarán zonas de estacionamento

PasarelaPIDM1

Valga, 27 de agosto de 2022.

O Parque Irmáns Dios Mosquera é hoxe o epicentro das celebracións da XXXII Festa da Anguía e Mostra da Caña do País e, ademais, está de estrea. O recinto municipal foi sometido durante as últimas semanas a tarefas de acondicionamento e renovación dalgunhas das súas infraestruturas, principalmente as de madeira, que se atopaban deterioradas.

Instaláronse novas pasarelas para comunicar as dúas marxes do río Valga, a do parque propiamente dita coa da praia fluvial e o seu entorno. Ademais, tamén se repuxeron varias varandas que estaban en mal estado debido a circunstancias coma o paso do tempo, a climatoloxía e o propio uso por parte de veciños e visitantes que teñen neste parque unha das zonas de esparexemento de referencia da contorna e o visitan acotío.

Quedan aínda algunhas actuacións pendentes de executar e rematarse, principalmente os baños públicos que se están a habilitar xunto ao Centro de Interpretación da Caña. O interese do goberno local era telos a punto para a festa pero, a pesar do tempo transcorrido dende o comezo da obra, a empresa adxudicataria non puido rematalos, polo que se optou por instalar uns aseos provisionais neste mesmo punto. Ademais, hai que lembrar que a outra ala do parque conta cun edificio de aseos públicos que si están operativos. O Concello pide a todas as persoas que os empreguen respecto polos bens públicos e o patrimonio de todos e agarda que non se produzan danos, como xa ten sucedido en anteriores ocasións.

Por outra parte, tamén se informa ás persoas que teñan previsto asistir á festa, que varios propietarios de parcelas próximas ao Parque Irmáns Dios Mosquera acometeron traballos de limpeza e acondicionamento das mesmas para empregalas como áreas de estacionamento de vehículos, tanto nas marxes da estrada N-550 coma noutras vías locais do entorno.

PasarelaPIDM3 PasarelaPIDM4 

PasarelaPIDM5

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver