Accessibility Tools

NOVAS DO CONCELLO

- Os asistentes ao Showcooking Intercultural degustaron pratos de Letonia, Estonia, Grecia, Lituania e España

- Sabores diferentes e produtos descoñecidos fixeron desta unha demostración sorprendente

Intercultural1

Valga, 19 de agosto de 2022.

Valga foi onte o punto de partida dunha viaxe polo continente europeo da man dos cinco mozos que, dende o mes de xullo e ata finais de agosto, desenvolven actividades de voluntariado no noso concello a través do programa XacobeAndo, da Consellería de Política Social e Xuventude da Xunta e do Corpo Europeo de Solidariedade.

A gastronomía foi guiando este percorrido por cinco países europeos, dende España, pasando por Grecia, Letonia, Estonia e Lituania, descubrindo novos sabores e produtos practicamente descoñecidos para a maioría dos asistentes, unha trintena de persoas entre as que se atopaban a Directora Xeral de Xuventude, Cristina Pichel, e Ruth González, coordinadora do programa de voluntariado. Acompañáronas a tenente alcaldesa, Carmen Gómez, e o concelleiro de Cultura, Pedro Calvo.

O menú estivo composto de catro pratos salgados e un doce, comezando cunha sopa fría típica de Lituania chamada Shaltibarshchay e que ten entre os seus ingredientes cebola verde, pepino, ovo cocido, manteiga ou remolachas que lle dan un rechamante color morado.

A gastronomía letona estivo representada a través dunhas tortas de pataca denominadas Kartupeļu pankūkas e para as que tamén se emprega ovo, cebola e unha salsa a base de aneto, allo, sal e pementa.

Un dos pratos máis sorprendentes da demostración culinaria foi o de Grecia, co nome de Dolmadakia. É unha das tapas gregas por excelencia e para a súa elaboración empréganse arroz, cebola, allo e outras especias, todo envolto cunha folla da viña previamente cociñada.

Para rematar a degustación de pratos salgados, a representante española, procedente de Córdoba, elaborou tortilla de patacas, unha das receitas que mellor representa a cultura gastronómica do noso país.

Estonia foi a última parada nesta viaxe imaxinaria, deixando un sabor doce entre os comensais cunha sobremesa chamada Mannavaht, que se elabora con sémola, zume de arándano, azucre, leite e froitos vermellos.

Os mozos protagonistas do showcooking contaron coa colaboración dos chefs de Indo e Vindo Gastronomía, Fran Jamardo, Coque Fariña e Rocío Garrido na preparación dos cinco pratos, cos que puxeron o seu grao de area ao Agosto Gastronómico e ás actividades da XXXII Festa da Anguía e Mostra da Caña do País, que dende esta fin de semana entra nos días máis álxidos.

Intercultural2 Intercultural3

Intercultural4 Intercultural5

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver