Accessibility Tools

NOVAS DO CONCELLO

- A cuarta excursión polo territorio do xeodestino contou con vinte participantes nacionais e internacionais

- Os visitantes coñeron o patrimonio valgués no Museo e quedaron fascinados coa historia da Bella Otero

Excursion1

Valga, 11 de agosto de 2022.

A excursión Mar de Santiago, que todos os xoves do verán percorre o territorio deste xeodestino do que forman parte Valga, Pontecesures, Catoira e Vilanova, recalou de novo esta mañá no noso concello cun grupo integrado por unha vintena de persoas. Entre elas, turistas nacionais (de Valencia ou Madrid), extranxeiros (Australia) e tres instagrammers galegos que coñeceron de primeira man o percorrido polas catro vilas do Ullán e O Salnés para despois divulgar a súa experiencia a unha comunidade virtual composta por máis de 100.000 persoas.

Zoe Galicia (@conzdezoe), Estefanía Pena (@engaliciamorate) e o blogueiro de viaxes Alberto Ribas (@alvientooo) transmitirán a través das redes sociais as súas vivencias seguindo os pasos do Apóstolo a través da ruta que deu orixe ao fenómeno das peregrinacións a Compostela. O percorrido comezou en Compostela, dende onde se trasladaron en autobús ao territorio Mar de Santiago. A súa primeira parada foi no Museo da Historia, onde coñeceron o patrimonio natural e cultural de Valga, que ten coma un dos principais expoñentes á figura da Bella Otero e a súa fascinante vida como artista da Belle Époque.

Unha adega en Vilanova, a zona portuaria de Pontecesures e o miradoiro de Pedras Miúdas en Catoira foron outros dos enclaves polos que discorreu a excursión, na que non faltou o percorrido marítimo-fluvial entre Pontecesures e Vilanova, a coñecida como Traslatio, que emula o itinerario realizado no século I polos restos do Apóstolo.

Os excursionistas quedaron abraiados polas impresionantes paisaxes que ofrece o esteiro do río Ulla e a súa desembocadura na Ría de Arousa, descubriron o único Vía Crucis marítimo-fluvial do mundo e fixeron, ademais, unha breve parada fronte a Vilarello, a única praia fluvial de Mar de Santiago.

Excursion2 Excursion3

Excursion4

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver