- Á entrega da distinción, que tivo lugar o sábado, asistiron o presidente do colectivo e o concelleiro delegado José Lagos

- Protección Civil de Valga, con base en Baño, presta servizo as 24 horas do día

^{Valga, 10 de maio de 2022.}

^{A agrupación de Protección Civil de Valga vén de recibir unha condecoración polos 25 anos de servizo público. O colectivo foi creado no ano 1995, polo que o vixésimo quinto aniversario cumpriuse en 2020. Sen embargo, a pandemia impediu que o acto de recoñecemento se celebrase ata o de agora.}

^{Foi o pasado sábado cando a Asociación Nacional de Agrupacións de Voluntarios Protección Civil celebrou na Estrada, na sede da Academia Galega de Seguridade Pública, o acto de entrega das distincións a diferentes agrupacións e voluntarios polos servizos prestados e méritos contraídos nos últimos tempos.}

^{En representación da Agrupación de Valga asistiu o seu presidente, José Manuel Otero, ao que acompañou o concelleiro responsable da área de Seguridade e Protección Civil.}

^{Protección Civil de Valga conta na actualidade cunha decena de membros. A sede da agrupación atópase en Baño e presta servizo as 24 horas do día en todo tipo de emerxencias e colaborando, ademais, co Concello en actividades municipais.}