Accessibility Tools

NOVAS DO CONCELLO

- Pódese participar realizando o traxecto Tui-Santiago ou só dende Casaldeirigo a Compostela

- Tamén se ofrece a posibilidade de asistir unicamente a misa que terá lugar na Catedral

Xacobeo

Valga, 5 de marzo de 2022.
Como xa aconteceu nos últimos Xacobeos, neste Ano Santo 2021-2022 o Concello organiza unha peregrinación a Santiago aberta á participación de todos os veciños de Valga. A actividade desenvolverase durante os meses de abril e maio e, na primeira fin de semana de xuño, celebrarase unha misa na Catedral.

A peregrinación realizarase seguindo unha das rutas xacobeas que discorre por Valga, o Camiño Portugués. As etapas serán as seguintes:

  • Sábado 9 de abril, Tui - Porriño: 18 quilómetros
  • Sábado 16 de abril, Porriño - Redondela: 15 quilómetros
  • Sábado 23 de abril, Redondela - Pontevedra: 18 quilómetros
  • Sábado 30 de abril, Pontevedra - Briallos: 18 quilómetros
  • Sábado 7 de maio, Briallos – Casaldeirigo (límite de Valga): 15 quilómetros
  • Sábado 14 de maio, Casaldeirigo - Hotel Scala (Padrón): 12 quilómetros
  • Martes 17 de maio, Hotel Scala - Milladoiro: 15 quilómetros
  • Sábado 21 de maio, Milladoiro - Praza do Obradoiro: 9 quilómetros
  • Sábado 4 de xuño, Misa na Catedral con aforo limitado debido á pandemia e tendo preferencia de acceso as persoas que realizaron o Camiño.

Ofrécense tres posibilidades: completar o percorrido de máis de 100 quilómetros entre Tui e Santiago, o que daría dereito a recibir a Compostela; facer o traxecto entre Casaldeirigo e Compostela; ou asistir só á Misa do Peregrino.

As camiñadas realizaranse pola mañá. A Mina Mercedes será o punto de encontro. Alí os participantes poderán estacionar os seus vehículos e subir ao autobús que os trasladará ata o lugar de inicio de cada etapa, nas que irán acompañados en todo momento por un vehículo de apoio. Ao remate, o mesmo autobús traerá de regreso aos peregrinos ata Valga.

Para participar é preciso estar empadroado en Valga e cubrir a folla de inscrición cos seguintes datos: nome e apelidos, domicilio, DNI e teléfono de contacto. En caso de menores de idade, a ficha tamén deberá incluír os datos do adulto responsable que o acompañará na peregrinación.

Esta folla entregarase debidamente cuberta e asinada no Concello ou enviarase ao correo electrónico Este enderezo de correo está a ser protexido dos robots de correo lixo. Precisa activar o JavaScript para velo., estando aberto o prazo ata o día 31 de marzo.

Folla de inscrición ADULTOS

Folla de inscrición MENORES

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver