- O alcalde exerceu de emisario real e fixo entrega de case 300 regalos nas escolas do CRA e nos colexios de Baño e Cordeiro

- A pandemia obrigou a cancelar a cabalgata e o Concello contactou cos Magos para que os cativos non quedaran sen obsequios

RegalosReis1

Valga, 11 de xaneiro de 2022.

Os nenos de Valga recibiron esta mañá a derradeira sorpresa do Nadal en forma de agasallos enviados polos Reis Magos que, debido á situación da pandemia, non puideron celebrar tampouco este ano a tradicional cabalgata.

 A elevada taxa de contaxios de Covid-19 motivou que o Concello decidira suspender a recepción aos Magos pero, tratando de manter ao máximo a ilusión dos cativos, o goberno municipal enviou unha carta a Melchor, Gaspar e Baltasar para que non se esqueceran dos nenos valgueses e, na noite do 5 de xaneiro, deixaran no Concello os agasallos para entregarllos ao seu regreso ao colexio.

Esta entrega tivo lugar esta mañá. O alcalde, José María Bello Maneiro, e a concelleira Carmen Gómez exerceron de emisarios reais e percorreron as escolas rurais de Ferreirós, Vilarello, Forno, Campaña, Xanza e Chenlo e os colexios de Baño e Ferro Couselo para darlles aos rapaces de Infantil e de 1º e 2º cursos de Primaria os regalos deixados polos Reis. Acompañáronos, tamén, técnicos municipais e membros de Protección Civil, que se encargaron de trasladar os agasallos.

Cada rapaz recibiu unha bolsa que incluía un xoguete –balóns, crebacabezas e bonecos, entre outros– e lambetadas. Ademais, os Magos de Oriente deixaron unha carta dirixida a cada aula explicándolles aos nenos os motivos polos que non se realizou a cabalgata.

Entregáronse, en total, preto de trescentos agasallos.

RegalosReis2 RegalosReis3

RegalosReis4 RegalosReis5

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver