- As bandeiras dos edificios municipais ondean a media hasta en sinal de dó pola traxedia

- A Xunta de Galicia decretou esta mañá tres días de loito oficial en toda a comunidade

^{Valga, 16 de febreiro de 2022.}

^{O Concello de Valga súmase ao loito decretado pola Xunta de Galicia en memoria dos mariñeiros falecidos no afundimento do barco pesqueiro “Villa de Pitanxo”, en augas de Terranova (Canadá).}

^{Esta mañá, o persoal do Concello e membros do goberno municipal, encabezados polo alcalde, José María Bello Maneiro, gardaron un minuto de silencio como mostra de consternación pola traxedia, en memoria das persoas falecidas e para trasladar o apoio ás familias e achegados dos mariñeiros que aínda permanecen desaparecidos.}

^{Ademais, as bandeiras da Casa Consistorial ondean a media hasta en sinal de dó.}

^{A Xunta decretou hoxe tres días de loito en toda a comunidade por este tráxico suceso que deixa, polo de agora, nove persoas falecidas e doce desaparecidos, o que o converte nunha das peores traxedias marítimas dos últimos tempos en Galicia.}