- As clases de inglés están orientadas a obter os certificados oficiais de Cambridge ou Trinity College

- A reserva de praza pode facerse a través do teléfono 986 85 12 25

^{Valga, 24 de setembro de 2021.}

^{A Escola Municipal de Idiomas dará comezo en outubro ao curso 2021-2022 e ten aberto o prazo de matrícula para todas aquelas persoas (nenos, mozos ou adultos) que queiran asistir ás clases de inglés para mellorar o seu nivel de coñecemento desta lingua estranxeira, xa sexa por motivos académicos ou laborais.}

^{As clases, que son impartidas no Auditorio Municipal por mestres do Centro de Idiomas Waterford, comezarán en outubro e prolongaranse ata a primavera de 2021. Nelas faise especial fincapé no aspecto oral para darlle un enfoque máis práctico á aprendizaxe da lingua, así como á preparación dos alumnos para a obtención dalgún certificado oficial que recoñeza o nivel adquirido.}

^{As persoas interesadas en reservar praza poden facelo a través do teléfono 986 85 12 25 ou no correo electrónico Este enderezo de correo está a ser protexido dos robots de correo lixo. Precisa activar o JavaScript para velo. .}

^{O Centro de Idiomas Waterford ten una ampla traxectoria no desenvolvemento de cursos de Inglés a tódolos niveis e conta con profesorado especializado. É centro examinador oficial de Trinity College London e tamén Centro Preparador Oficial de Cambridge University para a obtención dos certificados Pet (B1) e First (B2). Estes exames avalían o nivel das competencias tanto orais como escritas do alumnado e están recoñecidos polas institucións educativas.}

^{Na convocatoria do pasado mes de xuño para obter o certificado B1 PET de Cambridge presentáronse cinco alumnos da escola de Valga  e todos eles superaron o exame. Ademais, dous dos examinados, acadaron unha nota alta que lles permitiu certificar tamén o nivel B2.}