- Os membros do tribunal reuniranse nos próximos días para decidir aos gañadores das dúas modalidades

- Este vernes preséntase a obra gañadora da XX edición do certame

premioferrocouselo

Valga, 21 de xullo de 2021.

A Comisión Informativa de Cultura, Deporte, Xuventude e Turismo acordou este mediodía designar ao xurado da XXII edición do Premio de Investigación Xesús Ferro Couselo.

A Comisión aprobou a proposta da Alcaldía de nomear como integrantes do tribunal a Xulio Rodríguez González, facultativo do Corpo Superior de Museos, Pegerto Saavedra Fernández, Catedrático de Historia Moderna da Universidade de Santiago, Marcial Gondar Portasany, Catedrático de Antropoloxía da Facultade de Filosofía e Ciencias da Educación da Universidade de Santiago, e Pablo Sánchez Ferro, membro do Corpo Facultativo de Arquivos e neto de Xesús Ferro Couselo. Actuará como secretaria Vanessa Losada García.

Os tres primeiros membros forman parte do xurado do Premio dende a súa creación en 1996, ano no que se dedicou o Día das Letras Galegas a Ferro Couselo. Posteriormente incorporouse o neto do historiador e investigador valgués e, o ano pasado, sumouse Vanessa Losada como secretaria.

O tribunal ten previsto reunirse, de forma telemática, nos vindeiros días para decidir aos gañadores desta edición, que se darán a coñecer o 30 de xullo, coincidindo co aniversario do nacemento de Ferro Couselo.

Ademais, este venres pola tarde presentarase no Auditorio do Museo da Historia o libro “Labrando nutrientes. Intensificación agraria e manexo a fertilidade do solo nunha agricultura atlántica: Galicia, séculos XVIII e XIX”, de Beatriz Corbacho Fernández, gañadora da primeira modalidade do Premio na súa XX edición.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver