- Dotarase de rede de sumidoiros aos lugares de Bronllo-Cernadas, Vilarello, Centro médico-Charca e Bouza

- A actuación acaba de saír a contratación e o prazo de presentación de ofertas está aberto ata o 2 de agosto

^{Valga, 21 de xullo de 2021.}

^{O Concello proxecta unha nova obra de saneamento para continuar estendendo este servizo a todo o territorio municipal. Esta actuación, que conta cun orzamento de 112.343’55 euros, desenvolverase nos lugares de Bronllo-Cernadas, Vilarello, Centro médico-Charca e Bouza, aos que se dotará de rede de sumidoiros.}

^{En concreto instalaranse máis dun quilómetro de novas canalizacións con tubaxe de PVC de 315 milímetros de diámetro, que irán acompañadas dos correspondentes pozos de rexistro para posibilitar a inspección, limpeza e acometida das vivendas.}

^{Esta actuación permitirá a evacuación das augas residuais procedentes das vivendas existentes nestas zonas, eliminando os pozos negros e fosas sépticas existentes e evitando así posibles focos de contaminación ambiental.}

^{As obras, que se financian a través Plan Concellos 2020 da Deputación, acaba de saír a contratación e as empresas teñen de prazo ata o día 2 de agosto para presentar as súas ofertas.}