- O artista catoirense ofreceu un espectáculo centrado nas músicas do Camiño de Santiago

- O evento foi promovido a través do proxecto turístico “Mar de Santiago” e do programa provincial “Musigal”

RoiCasal1

Valga, 19 de xullo 2021.

Máis de duascentas persoas asistiron onte na área fluvial de Vilarello ao concerto ofrecido por Roi Casal a través do programa “Musigal”, da Deputación Provincial, e do proxecto turístico Mar de Santiago, do que Valga forma parte xunto aos concellos de Pontecesures, Catoira e Vilanova.

Nun entorno natural privilexiado que forma parte da Ruta Xacobea marítimo-fluvial, o público gozou co espectáculo "As músicas do Camiño”, no que o artista catoirense parte da música tradicional chegada a Galicia polo Camiño de Santiago para enriquecela con novos aportes intentando manter sobre o escenario a esencia da cultura galega.

Con instrumentos coma a arpa céltica, a zanfona e o laúd coma o seu sinal de identidade, Roi Casal interpretou temas dos diferentes traballos discográficos publicados durante a súa carreira en solitario: “Lendas Douradas”, “Maxicamente Vello”, “Donos do noso destino” e “Son galego, son cubano”. Nunha parte do concerto estivo acompañado sobre o escenario polo seu pai Nando Casal, membro do grupo “Milladoiro”, do que Roi tamén formou parte entre os anos 2000 e 2009.

A actuación, que tivo unha duración de hora e media, pechouse coa canción “Vai alborexar”, que é a banda sonora do proxecto Mar de Santiago.

Entre os asistentes ao evento estiveron representantes de todos os concellos que forman parte desta iniciativa turística: o alcalde e o tenente alcalde de Vilanova, o rexedor e a concelleira de Turismo de Pontecesures e un concelleiro de Catoira, que acompañaron ao alcalde valgués, José María Bello Maneiro, e aos edís de Cultura e Turismo, Pedro Calvo e Malena Isorna. Tamén estivo en Vilarello o deputado provincial Manuel González, en representación da Deputación.

RoiCasal2 RoiCasal3

RoiCasal4 RoiCasal5

 

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver