- O contrato inclúe a xestión dos contratos de traballo ou a tramitación de altas e baixas, entre outros asuntos

- O prazo de presentación de ofertas estará aberto ata o día 17 de xuño

^{Valga, 3 de xuño de 2021.}

^{O Concello acaba de sacar a contratación o servizo de asesoramento laboral para os próximos dous anos, con opción de prórroga ata un máximo de catro anualidades.}

^{O obxecto do contrato inclúe a xestión dos contratos de traballo, tramitación das altas e baixas na Seguridade Social, confección das nóminas mensuais, asesoramento e tramitación de todas as comunicacións entre o Concello, a Seguridade Social e o Servizo Público de Emprego (SEPE), así como outros servizos que poidan ofrecer os licitadores.}

^{O prazo de presentación de ofertas estará aberto ata o día 17 de xuño, a través da plataforma electrónica da Consellería de Facenda. Os licitadores deben presentar unha memoria na que expoñan os medios humanos e materiais que porán a disposición do Concello, os medios telemáticos cos que contan para intereactuar, entre outros aspectos referidos ao traballo a realizar.}

^{O prezo estimado do contrato é de 10.500 euros anuais.}