OS PERMISOS PARA AS FOGUEIRAS DE SAN XOÁN PODEN TRAMITARSE NO CONCELLO ATA O DÍA 21 DE XUÑO

NOVAS DO CONCELLO

- Só se autorizarán cacharelas en fincas e terreos privados, quedando restrinxida a súa realización en espazos públicos

- Os responsables deben cumprir as normas sanitarias en vigor e respectar unha serie de medidas medioambientais

fogueira

^{Valga, 2 de xuño de 2020.}

^{O Concello de Valga ten aberto o prazo de solicitude de permisos para prender as tradicionais fogueiras na noite de San Xoán, do 23 ao 24 de xuño. Como xa sucedera o pasado ano, debido á pandemia e ás normas sanitarias aínda vixentes en Galicia, só se autorizarán cacharelas en fincas e terreos privados, quedando restrinxida a súa realización en espazos públicos.}

^{As persoas interesadas teñen que cubrir unha folla de solicitude indicando o lugar no que se acenderá o lume, que quedará baixo a súa responsabilidade, e comprometéndose a adoptar as medidas de seguridade precisas e a cumprir as normas das autoridades sanitarias que estean en vigor no día da celebración. Esta folla de solicitude ten que entregarse, xunto a unha copia do DNI, nas oficinas municipais. Tamén pode enviarse por correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo. .}

^{O prazo para tramitar as autorizacións permanecerá aberto ata o luns 21 de xuño.}

^{O listado completo de solicitudes será posto en coñecemento do xefe provincial do Servizo de Defensa contra incendios do Distrito Forestal XIX Caldas-Salnés, así como dos servizos de emerxencias, que durante a noite de San Xoán, farán un seguimento das fogueiras para garantir que non se produzan incidentes.}

^{As normas de seguridade que deben cumprir as persoas que vaian a celebrar o San Xoán co acendido de cacharelas son as seguintes:}

^{Non facer moreas dunha altura excesivamente elevada para evitar problemas de seguridade}
^{Non facer a fogueira preto de lugares con vexetación}
^{Con exceso de vento non prender a fogueira}
^{Evitar usar materiais que co vento poidan provocar un incendio (ramas de eucalipto, papeis, etc.)}
^{Ter auga preto para actuar ante posibles escapes do lume}
^{Non utilizar na fogueira materiais contaminantes (pneumáticos, aerosois, etc.)}
^{Deixar a fogueira completamente apagada antes de marchar}
^{No caso de ter problemas debe chamar ao 085 ou ao 112 (a chamada é gratuíta)}
^{CUMPRIR AS NORMAS DAS AUTORIDADES SANITARIAS PARA PROTEXER A SAÚDE DE TODOS}