Accessibility Tools

NOVAS DO CONCELLO

- As inscricións poden realizarse a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo. nas categorías individual ou parellas

- Haberá un premio especial ao disfrace que reciba máis “likes” en Facebook e Instagram

Entroido2021web

Valga, 1 de febreiro de 2021.

A pandemia e a necesidade de restrinxir o contacto social e evitar aglomeracións de persoas impiden que este ano poida celebrarse o concurso de Entroido á maneira tradicional, con desfile de disfraces e comparsas. Pero o Concello, a través da Concellería de Cultura, está organizando un concurso virtual que se desenvolverá a través das redes sociais e que repartirá 1.130 euros en premios.

Poden participar no certame persoas empadroadas en Valga nas categorías Infantil (de 0 a 14 anos) e Adultos (a partir de 15 anos), tanto de forma individual como en parella. Ademais, establécese dúas categorías especiais (o disfrace máis orixinal e o mellor disfrace de mulleres representativas da historia) e un premio ao participante que reciba máis “likes” nas redes sociais.

O prazo de inscrición estará aberto ata o día 11 de febreiro ata as 15:00 horas. Os participantes deben cubrir a folla de inscrición e enviala ao correo electrónico Este enderezo de correo está a ser protexido dos robots de correo lixo. Precisa activar o JavaScript para velo. xunto cunha fotografía ou pequeno vídeo do disfrace. En cada ficha debe figurar o nome do disfrace, as categorías ás que se presenta (unha xeral e, de ser o caso, algunha das dúas especiais), nome e apelidos de todos os participantes, DNI, enderezo e teléfono de contacto. En caso de ser menores, deberá constar tamén o nome e apelidos e sinatura dos pais ou titores.

O material audiovisual recibido, con todas as fotos e vídeos dos participantes, subirase ás redes sociais do Concello (Facebook e Instagram) e durante os días 13 e 14 de febreiro todos os internautas poderán votar polos seus disfraces favoritos.

Os premios correspondentes a cada categoría serán os seguintes:

  • Infantil Individual:

               - 1º Premio: 50 euros

               - 2º Premio: 40 euros

               - 3º Premio: 30 euros

               - 4º Premio: 20 euros

  • Infantil Parellas:

               - 1º Premio: 70 euros

               - 2º Premio: 60 euros

               - 3º Premio: 50 euros
               - 4º Premio: 40 euros

  • Adultos Individual:

               - 1º Premio: 80 euros

               - 2º Premio: 70 euros

               - 3º Premio: 50 euros

               - 4º Premio: 40 euros

  • Adultos Parellas:

               - 1º Premio: 100 euros

               - 2º Premio: 80 euros

               - 3º Premio: 60 euros

               -  4º Premio: 40 euros

  • Disfrace máis orixinal: 100 euros
  • Mellor disfrace de mulleres representativas da historia: 100 euros
  • Disfrace con máis “likes”: 50 euros

O xurado estará composto polo concelleiro de Cultura, a concelleira de Turismo e Novas Tecnoloxías, e representantes de distintas asociacións do Concello. Os premios entregaranse en vales de compra que poderán utilizarse no comercio local e terán validez durante todo o ano 2021.

Bases do Concurso de Entroido Virtual

Folla de Inscrición

Entroido2021

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver