- Os inscritos participan en clases individuas e realizan traballo técnico e de repertorio

- A actividade forma parte do programa formativo do Centro Superior de Música

^{Valga, 18 de decembro de 2020.}

^{Catorce alumnos, dez deles activos e catro oíntes, participan esta fin de semana na masterclass de clarinete que imparte no Auditorio Municipal Vicente Alberola, un dos clarinetistas españois máis destacados e colaborador da Mahler Chamber Orchestra. A actividade forma parte do programa formativo do Centro Superior de Música (CSM Galicia) e conta coa colaboración do Concello de Valga.}

^{A clase maxistral inclúe sesións individuais, clases técnicas e traballo de repertorio. Deu comezo esta mañá e terá continuidade durante toda a xornada do sábado.}

^{Vicente Alberola (Valencia, 1970) formouse no Conservatorio Superior da súa cidade natal. En 1989 concedéuselle unha bolsa para ampliar os seus estudos no Royal Conservatoire de Amberes (Bélxica) e en 1990 gañou a praza de primeiro clarinete na Orquestra Sinfónica de Galicia, posto que ocupou durante doce años. Neste período tamén colaborou coa orquestra de cámara Mahler, a Filharmonía de Galicia e outras agrupacións de prestixio a nivel nacional e internacional coma a Orquestra da Ópera de Amberes.}

^{Como profesor traballou na Joven Orquesta Nacional de España (JONDE) e na Joven Orquestra Sinfónica de Galicia, entre outras, e como solista ten interpretado concertos para clarinete de W.A. Mozart, C.M. von Weber e J. A. Amargós, todos coa Sinfónica de Galicia.}

^{En 2004 recibiu a medalla de bronce da Orquestra Sinfónica de Madrid e tamén exerceu como director en concertos pedagóxicos desta mesma agrupación no Teatro Real e noutros escenarios.}