- Leite, pasta, aceite e outros alimentos serán distribuídos entre as familias en situación de vulnerabilidade

- O punto de recollida continúa a disposición de todos os veciños que queiran colaborar na tenda de Ferreirós

^{Valga, 1 de decembro de 2020.}

^{O departamento de Servizos Sociais do Concello recollerá nos vindeiros días un novo lote de produtos básicos doados polo establecemento comercial Alimentación Eiras e polos seus clientes, no marco dunha campaña benéfica para axudar ás familias de Valga que se atopan en situación de vulnerabilidade.}

^{Entre os produtos que inclúe esta remesa hai leite, pasta, aceite, gallegas e outros doces, sal, cereais para o almorzo, cacao en polvo, chocolate, fariña e azucre, entre outros. O persoal de Servizos Sociais encargarse de distribuír os alimentos entre aquelas familias con escaseza de recursos ou en risco de exclusión.}

^{Esta recollida solidaria promovida por Alimentación Eiras continúa durante todo o mes de decembro. As persoas que queiran contribuír poden aportar alimentos, preferentemente non perecedoiros, e produtos de limpeza e hixiene, depositándoos nos espazos que a tenda, emprazada en Ferreirós (Cordeiro) ten reservados para este fin.}

^{O Concello aplaude esta iniciativa e agradece aos propietarios do establecemento e á súa clientela a solidariedade e colaboración nestes tempos marcados social e economicamente pola pandemia da Covid-19. Esta mesma tenda de alimentación xa promovera outra acción benéfica na primavera, durante o confinamento, tamén co obxectivo de axudar ás familias con menos recursos.}