- Nove alumnos de distintas localidades galegas asistiron ás sesións no Auditorio

- A finais deste mes, o CSM recibirá ao barítono internacional Carlos Álvarez

Jáuregui1

Valga, 18 de novembro de 2020.

Judith Jáuregui, considerada unha das mellores concertistas de piano do panorama nacional, impartiu a pasada fin de semana no Auditorio Municipal unha clase maxistral na que participaron nove alumnos chegados dende diferentes puntos da xeografía galega, a maioría da provincia de Pontevedra.

A artista incorporouse neste curso 2020/2021 ao claustro de profesores do Centro Superior de Música (CSM Galicia) e esta foi a súa primeira masterclass en Valga. Os inscritos participaron en sesións individuais e en encontros colectivos nos que compartiron impresións e traballaron a aprendizaxe colaborativa.

Durante a fin de semana os alumnos asistiron tamén a charlas nas que analizaron o traballo realizado e expresaron as súas inquedanzas sobre como orientar o seu futuro profesional, tratando de sacar beneficio dos coñecementos e experiencias da mestra Judith Jáuregui.

As actividades formativas organizadas polo Centro Superior terán continuidade na última fin de semana de novembro cunha das citas máis agardadas deste curso: unha masterclass a cargo do barítono Carlos Álvarez, unha figura internacionalmente recoñecida e que actúa nos mellores escenarios do mundo, entre eles o Metropolitan de Nova Iorque, o Covent Garden de Londres ou a Scala de Milán.

Jáuregui3 Jáuregui4

Jáuregui2

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver