Accessibility Tools

NOVAS DO CONCELLO

- Estará emprazada no aparcadoiro do Centro de Saúde entre as 9 e as 14 horas

- Contará con especialistas en psicoloxía e técnicos en criminoloxía e igualdade

CaravanaMorada1

Valga, 13 de outubro de 2020.

A Caravana Morada, unha iniciativa do Grupo de Desenvolvemento Rural (GDR) Salnés-Ulla Umia, estará en Valga o próximo 27 de outubro para sensibilizar en materia de igualdade e contribuír á loita contra as violencias machistas.

Trátase dun servizo itinerante que está a percorrer todos os municipios das comarcas do Ulla-Umia e O Salnés e que se financia a través dun convenio entre a Vicepresidencia da Xunta e a Consellería do Medio Rural, no marco do Pacto de Estado contra a Violencia de Xénero.

A súa estadía en Valga foi xestionada pola Concellería de Igualdade e Benestar Social para ofrecer á poboación un punto de información e asesoramento, visibilizando ademais o rexeitamento ao acoso e ás agresións de xénero. Esta caravana conta con profesionais especialistas en psicoloxía contra a violencia de xénero e técnicos en criminoloxía e igualdade para atender ás mulleres e aos veciños en xeral. Colaborarán, ademais, con eles as profesionais do Centro de Información á Muller (CIM) de Valga.

A caravana estará emprazada no aparcadoiro do Centro de Saúde de Baño entre as 9 e as 14 horas. Cumprirá con todos os protocolos de seguridade para a prevención da Covid-19.

O GDR Salnés-Ulla Umia puxo en marcha esta Caravana Morada dada a importancia da muller no medio rural e tendo en conta que arredor do 80% dos casos de violencia que se producen en poboacións rurais non son denunciados. Segundo os datos dos que dispón o GDR, a situación de alarma sanitaria e de confinamento agravou o número de agresións e abusos. Nos 98 días que se prolongou o Estado de Alarma, as chamadas ao 016 (teléfono de atención a vítimas de violencia de xénero) aumentaron en máis dun 40% respecto ao mesmo período do ano pasado.

CartelCaravanaMorada

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver