- O proxecto de reestruturación abarca terreos dos lugares de Martores, Vilares, Laceiras e Raxoi

- As persoas interesadas poden enviar as súas opinión e achegas ata o día 21 de agosto

VistaMartores

Valga, 30 de xullo de 2020.

A concentración parcelaria da zona de San Miguel –que abarca os lugares de Martores, Vilares, Laceiras e Raxoi– avanza un paso máis na súa tramitación por parte da Consellería do Medio Rural. A Dirección Xeral de Desenvolvemento Rural abriu o período de consulta pública do documento de cumprimento dos obxectivos xerais para o inicio do proceso de reestruturación.

O documento pode consultarse a través da ligazón https://ovmediorural.xunta.gal/sites/w_ovmru/files/consultas_publicas/Consulta_de_avaliacion_do_cumprimento_dos_obxectivos_xerais_2.pdf e as persoas interesadas poden enviar as súas opinións, achegas ou propostas de mellora a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo.. O prazo remata o día 21 de agosto.

A reestruturación parcelaria de San Miguel de Valga, xestionada polo Concello ante a Consellería do Medio Rural a petición dun grupo de veciños e propietarios de terreos da zona, ten como obxectivo reordenar a propiedade da terra para mellorar a estrutura territorial agraria.

En concreto, preténdese mellorar as condicións estruturais, técnicas e económicas das explotacións agrarias, de acordo con criterios de ordenación sustentable dos seus cultivos e aproveitamentos co fin de fixar poboación no medio rural e, así, facer rendible a actividade produtiva.

O proceso tamén persegue establecer medidas de agrupación e redimensionamento das terras que non formen parte de explotacións agrarias, para así facilitar a súa mobilización para uso agrícola e favorecer a loita contra o abandono, a formación de novas explotacións ou a súa incorporación ás xa existentes.

Ademais, tamén se terán en conta as zonas de especial valor medioambiental e paisaxístico para garantir a súa conservación.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver