- Hoxe cumpre os 100 anos e recibiu a visita do alcalde e das concelleiras Begoña Piñeiro e Carmen Gómez

- Agasallárona cunha placa conmemorativa, un ramo de flores e unha torta

ReginaGrela1

Valga, 27 de xullo de 2020.

A veciña de Coto (Campaña) Regina Grela Fernández cumpre hoxe 100 anos e recibiu a visita do alcalde, José María Bello Maneiro, e das concelleiras Begoña Piñeiro e Carmen Gómez para felicitala por ingresar no club dos centenarios de Valga.

Os representantes municipais agasallárona, en nome de todos os valgueses, cunha placa conmemorativa na que está gravada a lenda “O Concello de Valga a Regina Grela Fernández no día en que cumpre os 100 anos". Tamén lle regalaron un ramo de rosas e un torta para celebrar o aniversario.

Regina Grela ten unha filla, catro netos e seis bisnetos. Sae todos os días, cando o tempo o permite, polos arredores da súa vivenda e unha das súas grandes afeccións é ir de paseo en coche. Cun século de vida recén cumprido mantén o seu espírito optimista e positivo.

Traballou máis de 20 anos na desaparecida fábrica de cerámica Novo y Sierra, na que as mulleres tiñan atribuída as tarefas de colocar os ladrillos arredor do forno para secalos e carrexar a leña para avivar o lume. A centenaria lembra aínda o sistema de funicular que a empresa utilizaba para trasladar o material ata o río Ulla e que agora o Concello está tratando de recuperar. Regina relata habitualmente aos seus familiares como o ladrillo se metía nas vagonetas na fábrica e se levaba “polo aire” ata o porto existente no río Ulla para cargalo en barcos.

       ReginaGrela2         ReginaGrela3

       ReginaGrela4         ReginaGrela5

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver