- O Centro Superior de Música ofrecerá o domingo 5 de xullo a primeira actuación con público

- A mostra “Contos de Fadas”, da valguesa Sandra Souto, poderá verse durante todo o verán

ComboJazz1

Valga, 29 de xuño de 2020.

Unha exposición de ilustracións de moda, concertos do CSM Galicia e encontros musicais son as primeiras actividades culturais que acolle o Auditorio Municipal dende a declaración do Estado de Alarma pola pandemia do Covid-19.

O Centro Superior de Música, que dende comezos de xuño xa imparte clases presenciais nas instalacións do Auditorio, está a celebrar nos últimos días concertos de clausura do curso a porta pechada. Para mostra, a actuación que ofreceu o venres o Combo de Jazz formado polo profesorado e o alumnado do departamento de Jazz do centro.

 

ComboJazz1 ComboJazz2

Para esta semana hai programados un encontro de dirección coa participación do mestre Cristóbal Soler e unha masterclass de canto coa soprano Elena Valero como profesora. Celebraranse entre o xoves e o domingo. Ademais, esta fin de semana o Auditorio albergará o primeiro concerto con público. Será o domingo, 5 de xullo, ás 19 horas e actuarán a orquestra de cámara Camerata Arven e os alumnos de Dirección e Canto, que ofrecerán un repertorio formado por arias de ópera e romances de zarzuela. O concerto terá o aforo limitado ao 75%, tal e como establece a normativa en vigor, e os asistentes deberán cumprir coas normas hixiénicas e sanitarias, tales coma o uso de mascarilla e o mantemento da distancia interpersoal.

Dende hoxe luns reabre tamén a cafetería con horario de verán: de luns a venres de 9:00 a 14:30 e de 19:30 a 23:00, os sábados de 9:00 a 23:00 horas e os domingos 10:30 a 23:00. Neste mesmo horario, pode verse na sala de exposicións do Auditorio a mostra “Contos de fadas”, formada por ilustracións de moda da valguesa Sandra Souto Gontad. Esta exposición, que fora inaugurada días antes da declaración do Estado de Alarma, permanecerá durante todo o verán no Auditorio para que os veciños poidan gozar co talento da artista, natural de Reguengo (Setecoros) e agora residente en Londres.

Son arredor de 25 as ilustracións que forman parte da mostra e que conxugan as dúas das grandes paixóns de Sandra, a moda e natureza. “Son dúas temáticas constantes nas miñas obras, dalgún xeito estas dúas ideas van sempre unidas cando debuxo e fusiónanse ata xerar un mundo máxico imaxinario”. O uso de cores alegres e vibrantes con liñas elegantes e delicadas caracterizan os traballos desta artista, que adoitan centrarse na figura feminina.

ContosdeFadas5 ContosdeFadas7

Hai que lembrar, ademais, que no Auditorio tamén está aberta ao público a biblioteca municipal, tanto para a recollida e devolución de préstamos como para consulta de obras na sala de estudo, e sempre cumprindo coa normativa sanitaria. O horario é de 9:00 a 14:30.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver