- Anthony Quinn encabeza o reparto deste clásico, que foi galardoado con tres premios Oscar

- A proxección, que terá lugar na biblioteca do centro, está aberta á asistencia de todos os veciños

zorba el griego

Valga, 10 de xaneiro de 2020.

O IES de Valga emprende un novo proxecto cultural coa posta en marcha dun Cine Fórum que se estrea o día 6 de febreiro coa proxección do clásico “Zorba, el griego”. Terá lugar na biblioteca do centro a partir das 16:30 horas con asistencia aberta a todos os veciños interesados na cultura e, en particular, no cine.

“Zorba, el griego” (1964) está baseada na novela “Vida y aventuras de Alexis Zorbas”, de Nikos Kazantzakis. A película, recomendada para todos os públicos, foi dirixida por Michael Cacoyannis e o reparto está encabezado por Anthony Quinn, que interpreta ao protagonista nun dos papeis que marcou a súa carreira cinematográfica.

Nesta comedia dramática un mozo escritor inglés viaxa a Creta para tomar posesión dunha pequena propiedade que herdou. Na viaxe coñece a Zorba, un home de carácter vitalista e de costumes primitivas, que exerce sobre el unha gran influencia. A historia relata a relación que xorde entre estes dous personaxes, que representan o conflito humano entre a paixón e razón.

O filme foi nominado a sete premios Oscar e obtivo tres galardóns á mellor actriz de reparto (Lila Kedrova), mellor fotografía e mellor dirección de arte.

Ademais da película, tamén acadou unha gran repercusión a banda sonora, composta por Mikis Theodorakis, especialmente o tema instrumental “Danza de Zorba”, que os protagonistas bailan ao final da cinta e que se converteu nunha especie de segundo himno en Grecia.

Este Cine Fórum é unha iniciativa que nace con vocación de continuidade, explica Víctor González, profesor de Filosofía do centro e un dos promotores da actividade. “O desfrute e o interese por fomentar o diálogo e o intercambio de opinións en relación coa cultura” son os principais obxectivos. En datas próximas programaranse novas proxeccións, aproximadamente unha cada mes e medio, aínda que a periodicidade estará supeditada á acollida que teña a actividade.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver