- As tarefas consisten na retirada de árbores mortas e madeira acumulada e na realización de rozas selectivas

- Afectan a zonas interurbanas con risco potencial de inundacións

^{Valga, 3 de outubro de 2019.}

^{A Consellería de Infraestruturas e Mobilidade, a través do organismo Augas de Galicia, está a executar actuacións de limpeza e conservación nos treitos interurbanos dos ríos Valga e Louro.}

^{Os traballos lévanse a cabo nos treitos interurbanos destes cauces e forman parte dos traballos de mantemento de zonas con risco potencial de inundacións, centrándose na retirada de árbores mortas e madeira acumulada, así como elementos susceptibles de causar atoamentos. Os operarios tamén realizan rozas selectivas puntuais para que os ríos queden despexados de maleza, posibilitando a circulación fluída das súas augas.}

^{Augas de Galicia desenvolve estas accións no marco do programa de mantemento, conservación e mellora do dominio público hidráulico, co obxectivo de mellorar os leitos fluviais e promover os usos sociais nas contornas dos ríos.}