Accessibility Tools

NOVAS DO CONCELLO

- As carpetas, que se utilizarán para os concertos, son de cor negra e teñen impreso no exterior os escudos de Valga e da agrupación

- A Polifónica de Cordeiro, que iniciou a súa actividade en decembro de 1994, está a piques de cumprir as súas vodas de prata

carpetasCoral1

Valga, 28 de agosto de 2019.

O Concello de Valga fixo entrega á Coral Polifónica Santa Comba de Cordeiro de novas carpetas para todos os seus integrantes. Foron os concelleiros do equipo de goberno Pedro Calvo, Begoña Piñeiro e Malena Isorna os que participaron no acto de entrega, que tivo lugar no Auditorio Municipal durante unha sesión de ensaio da agrupación cultural. Tamén estiveron presentes a presidenta da Coral, Valentina Ferro, e o director, Manuel López Castro.

Os novos portafolios cos que contan os membros da Coral valguesa son de cor negra e teñen impresos no exterior os escudos da agrupación e do Concello de Valga. Serán os que utilice a partir de agora a Coral nos concertos e actuacións, en substitución doutras carpetas que hai 22 anos foran doadas por un integrante do colectivo, Ricardo Abuín Mariño. “Estas estaban xa moi deterioradas e cando chegaron a mans dalgúns dos actuais membros da Coral eran de segunda man, posto que xa foran usadas con anterioridade por outras persoas”, explica a presidenta, que trasladou o seu agradecemento e de todos os seus compañeiros ao Concello “por esta aportación e pola súa colaboración constante” coa agrupación polifónica.

A Coral Santa Comba conta na actualidade con 50 membros. Comezou a súa andaina o 31 de decembro de 1994, polo que está a piques de cumprir o seu 25 aniversario. O vindeiro 5 de outubro celebrará no Auditorio Municipal o Festival de Outono, que nesta edición terá como agrupacións convidadas á Rondalla de Cariño e ás corais de Asados (Rianxo) e Tapia de Casariego (Asturias). Con anterioridade, o 23 de setembro, viaxará a Bueu para participar nun concerto organizado pola agrupación Maruxiña.

carpetasCoral2 carpetasCoral3

carpetasCoral4

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver