Accessibility Tools

NOVAS DO CONCELLO

- A procesión de catamaráns discorrerá por Valga entre as 18:00 e as 18:15 horas, aproximadamente

- Este singular itinerario marítimo-fluvial, no que colabora o Concello, foi declarado de interese cultural pola Xunta de Galicia

remonte2018

Valga, 18 de xullo de 2019.

A Fundación Ruta Xacobea do Mar de Arousa e Ulla celebra este domingo, 21 de xullo, unha nova edición do Remonte do Ulla, co que se conmemora o traslado dos restos do Apóstolo Santiago ata o porto da cidade romana de Iria Flavia.

A “Translatio”, que cumpre a súa XXXV edición, ten prevista a súa saída as 16:20 horas dende o porto de Tragove, en Cambados, e arribará a Pontecesures arredor das 18:30, segundo as estimacións da organización. A procesión de catamaráns pasará pola praia fluvial de Vilarello entre as 18:00 e 18:15 horas, aproximadamente.

A Ruta Translatio ou Ruta Xacobea do mar de Arousa e o río Ulla naceu no ano 1963 por iniciativa da Fundación Ruta Xacobea do mar de Arousa e Ulla, entidade que promociona o Camiño de Santiago, e foi declarada de interese cultural e galego pola Xunta de Galicia no ano 1999. Consiste nunha colorida procesión marítimo-fluvial que parte dende diferentes portos da Ría de Arousa –este ano Cambados- con destino a Pontecesures e Padrón e na que participan embarcacións engalanadas e numeroso público.

Este singular itinerario rememora o traxecto realizado no século I pola barca que transportaba os restos de Santiago O Maior logo do seu martirio en Xerusalén. Conta a tradición que, unha vez alcanzadas as costas galegas, a embarcación remontou a Ría de Arousa e o río Ulla ata alcanzar o porto de Iria Flavia.

Ademais da entidade promotora, a Fundación Ruta Xacobea, colaboran nesta actividade un total de 18 concellos das comarcas de Arousa, O Ullán e Sar, entre eles o de Valga. O goberno municipal anima aos veciños a acudir á área lúdica de Vilarello este domingo para ver o paso das embarcacións polo tramo valgués do Ulla.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver