- Esta tarde recibirán os seus diplomas logo de completar 25 horas lectivas

- A vindeira fin de semana continúan as actividades formativas co curso de dirección musical

frauta1

Valga, 4 de xaneiro de 2019.

Un total de dezasete alumnos están a participar dende o mércores nun curso de frauta traveseira organizado pola Escola Municipal de Música, o Concello de Valga e a asociación Musival.

As sesións formativas, con traballo grupal e individual, están a desenvolverse no Auditorio Municipal e sumarán 25 horas lectivas divididas en dous módulos formativos: Técnica, pedagoxía e repertorio da frauta e Música de cámara.

O mestre que se encarga de impartir o curso é Iago Lariño Rodal (Cangas do Morrazo, 1984). Cursou estudos de frauta traveseira no Conservatorio Superior de Música de Vigo e, máis tarde, ampliou a súa formación na Hochschule für Musik, en Detmold (Alemaña). Forma parte da Orquesta Joven Sinfónica de Galicia, da Joven Orquesta Nacional de España e da World Youth Orchestra, entre outras agrupacións. No que respecta á súa faceta como docente, deu clase en diversas escolas de música e conservatorios e actualmente é profesor de frauta e banda no Conservatorio Profesional de Música Manuel Quiroga de Pontevedra.

O curso rematará esta tarde coa entrega de diplomas aos participantes.

A vindeira semana, entre os días 11 e 13, a Escola de Música ten prevista unha nova actividade formativa. Trátase do o segundo encontro do Curso de Dirección Musical que comezou no mes de outubro e que imparten Pere Molina González, director titular da Orquestra de Cámara de Valencia, Manuel Villar Touceda, director da Escola e da Banda de Música Municipais de Valga, e Mar Durán Rodríguez, profesora de Psicoloxía no Universidade de Santiago.

Este curso diríxese a titulados profesionais e superiores en Música de calquera idade ou procedencia que aspiren a desenvolver a súa aprendizaxe no campo da dirección musical, e a profesores de escolas de música ou conservatorios que aspiren a potenciar as súas carreiras e mellorar as súas capacidades como directores. Admítense como máximo oito alumnos activos que traballarán coa "Sinfonía nº1 en Do Maior" de Ludwig van Beethoven.

frauta2 frauta3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver