- A actividade de conciliación é organizada pola ANPA do colexio de Baño coa colaboración do Concello

- A asistencia é libre e a primeira película, “El bebé jefazo”, proxectarase o mércores 2 

^{Valga, 12 de decembro de 2018.}

^{A asociación de pais e nais de alumnos do CEIP Plurilingüe Baño-Xanza organiza, coa colaboración do Concello de Valga, catro sesións de cineforum durante as vacacións escolares de Nadal, entre os días 26 e 29 de decembro. A actividade quere favorecer a conciliación familiar nesas datas nas que os nenos non teñen colexio.}

^{As proxeccións terán lugar na Casa da Cultura de Valga con entrada libre para todas as persoas que queiran asisitir. As películas están dirixidas ao público familiar. O mércores 26 proxectarase a cinta de animación “El bebé jefazo”, para o xoves 27 o filme elixido é “Como entrenar a tu dragón 2”, o venres 28 será o turno de “Paddington 2” e, para finalizar, o sábado 29 de decembro os asistentes poderán divertirse coa comedia de aventuras “Una noche en el museo 3”. En todos os casos as proxeccións comezarán ás 18 horas.}