- Traballaron na detección dalgúns dos principais problemas medioambientais

- Vinte persoas desempregadas de Valga e Moraña aprenderán durante nove meses os oficios e albanelería e acondicionamento forestal

^{Valga, 30 de novembro de 2018.}

^{O alumnado do Obradoiro de Emprego Ulla-Umia III asistiu esta semana a un módulo sobre Sensibilización Ambiental como parte da formación complementaria aos oficios que van a aprender durante os nove meses de duración do proxecto formativo: os de albanelería e acondicionamento forestal.}

^{O módulo tivo unha duración de nove horas e foi impartido polo experto docente da especialidade de foestal, Manuel Fernández. Tratouse de introducir aos alumnos no coñecemento dos principais problemas medioambientais, tanto a nivel xeral como no ámbito laboral, e a súa aplicación nas especialidades de albanelería e forestais a través do desenvolvemento de boas prácticas ambientais.}

^{Durante as sesións fíxose fincapé en asuntos como a contaminación, os vertidos, o tratamento de residuos, a compostaxe, o desenvolvemento sostible, a deforestación e a desertización, entre outros. Os participantes fixeron prácticas de detección dos principais problemas medioambientais aplicados ás especialidades formativas do obradoiro.}

^{Este módulo impartiuse ao mesmo tempo que o alumnado recibe a formación específica de cada especialidade e que culminará coa realización de prácticas en cada un dos oficios.}

^{No Obradoiro de Emprego Ulla-Umia III participan vinte persoas desempregadas dos concellos de Valga e Moraña.}