- Desenvolverase entre os días 26 de novembro e 5 de decembro en horario de mañá

- As inscricións poden realizarse chamando aos teléfonos 986 556 769 ou 986 559 456

^{Valga, 12 de novembro 2018.}

^{A Aula CeMIT imparte entre os días 26 de novembro e 5 de decembro un curso de formación dixital básica centrado no uso da tableta e dirixido, principalmente, a persoas maiores.}

^{A actividade está orientada a introducir ás persoas maiores no uso básico destes dispositivos e de amosarlles tamén as múltiples vantaxes e posibilidades que se lles abren aproveitando estas tecnoloxías que combinan unha gran portabilidade e accesibilidade desde calquera sitio e lugar.}

^{Hai doce prazas dispoñibles e as inscricións poden realizarse chamando aos números de teléfono 986 559 456 ou 986 556 769. As sesións do curso desenvolveranse en horario de mañá, entre as 12 e as 13 horas.}

^{Esta actividade realízase en colaboración coa Fundación Vodafone España, aliada do Plan de Inclusión Dixital de Galicia, unha iniciativa coa que a Axencia para a Modernización Tecnolóxica (Amtega) contribúe á alfabitización e capacitación dixital da poboación galega a través do impulso do uso das novas tecnoloxías, entre elas os dispositivos móviles.}

^{Para aquelas persoas que non dispoñan de tableta e queiran asistir igualmente ao curso, a Fundación Vodafone poñerá a disposición do alumnado varios dispositivos para que poidan practicar durante as clases.}