- As fugas de caudal poden causar prexuízos importantes ás arcas municipais

- As melloras executaranse nun prazo de 15 días e investiranse 39.562 euros

^{Valga, 27 de outubro de 2018.}

^{O Concello vén de adxudicar á empresa 3G Aguas unha actuación para controlar as perdas na rede de abastecemento de augas mediante a instalación de equipos de control tanto nos depósitos municipais como nas canalizacións. Investiranse nesta mellora 39.562’17 euros, dos que 31.735 se corresponden cunha subvención da Xunta de Galicia a través do Fondo de Compensación Ambiental.}

^{O contrato formalizouse o pasado luns e a empresa adxudicataria conta cun prazo de 15 días para exectuar os traballos.}

^{O Concello ve necesaria esta actuación para optimizar o servizo de abastecemento de augas, básico para a veciñanza, e para ter un control axeitado de cada un dos depósitos municipais e das liñas de tubaxes existentes no territorio local.}

^{Hai que ter en conta circunstancias como a gran dispersión dos núcleos de poboación valgueses, que implica a existencia de moitos quilómetros de canalización soterrada con trazados moi longos, co que aumentan as posibilidades de perdas de caudal que poden chegar a ocasionar importantes perxuízos económicos ao Concello e, por conseguinte, aos veciños.}

^{Ademais das fugas, os equipos que se instalarán na rede de abastecemento tamén permitirán detectar consumos abusivos que na actualidade quedan fóra do control dos contadores.}