- Diríxense a persoas a partir de 16 anos de idade

- As inscricións poden realizarse chamando aos teléfonos 986 559 456 ou 986 555 769

^{Valga, 30 de outubro de 2018.}

^{A Aula CeMIT de Valga, emprazada no Auditorio Municipal, comeza a impartir a vindeira semana senllos cursos de iniciación á informática e procuras na rede. Trátase de dúas actividade gratuítas dirixida a persoas a partir de 16 anos de idade.}

^{Hai doce prazas dispoñibles en cada curso e as persoas interesadas poden inscribirse chamando aos números de teléfono 986 559 456 ou 986 556 769.}

^{No caso do curso de iniciación á informática as clases impartiranse en horario de tarde, os martes e os xoves entre as 16 e as 17:30 horas e incluirán os seguintes contidos:}

• ^{Acender e apagar correctamente o ordenador}
• ^{Manexar o rato e o teclado con soltura}
• ^{Familiarizarse co entorno de traballo e as ventás do sistema operativo}
• ^{Aprender a xestionar arquivos e carpetas (crear, eliminar, copiar…)}
• ^{Copiar un documento nunha unidade extraíble (disquete ou memoria USB)}
• ^{Crear, editar e imprimir un documento cun editor de textos}

^{As sesións do curso sobre procuras na rede serán pola mañá, de 10 a 11 horas, tamén os martes e os xoves. Neste caso os contidos serán os seguintes:}

• ^{Introdución ao funcionamento dos buscadores}
• ^{Trucos para buscadores. Busca avanzada}
• ^{Recursos en buscadores: web, imaxes, vídeo, libros…}
• ^{Metabuscadores}
• ^{Outros recursos de busca: directorios, redes de favoritos, blogs, redes sociais, wikis…}
• ^{Automatización de buscas: alertas e redes sociais}