- Diríxense a estudantes de segundo ciclo de Infantil, Bacharelato, FP, universitarios, ensinanzas artísticas superiores e alumnado con necesidades educativas especiais

- O prazo de solicitude é de 20 días hábiles e rematará o vindeiro 8 de novembro

^{Valga, 9 de outubro 2018.}

^{As axudas para material e transporte escolar, coas que o Concello trata de favorecer a escolarización en centros públicos e a formación superior nas familias con menos recursos económicos, poden solicitarse a partir de mañá nas oficinas municipais.}

^{As subvencións para material escolar teñen como beneficiario ao alumnado de segundo ciclo de Educación Infantil de todos os centros públicos do municipio (colexio de Baño e Centro Rural Agrupado), mentras que as axudas para transporte diríxense a estudantes de Bacharelato, FP, ensinanzas artísticas superiores, universitarios e alumnado con necesidades educativas especiais.}

^{Para solicitar as axudas é preciso cumplir, ademais, unha serie de requisitos:}

• ^{Que a renda per cápita familiar non supere o límite de 6.000 euros.}
• ^{Estar empadroado en Valga e ser fillo dependente económicamente (menor de 25 anos, que conviva no domicilio familiar e que non teña contrato de traballo ou percibira algún tipo de recurso en 2017, excepto bolsas).}

^{O Concello ten reservadas dúas partidas económicas de 6.000 euros para as axudas ao transporte e de 3.000 euros para o material escolar. O importe máximo das subvencións calcularase en función da renda per cápita e, no caso do transporte, da distancia do centro educativo en quilómetros.}

^{As solicitudes presentaranse no rexistro do Concello durante un prazo de 20 días hábiles contados a partir de mañá, rematando o vindeiro 8 de novembro. É preciso aportar o impreso debidamente cuberto (pode descargarse premendo AQUÍ ou solicitarse nas oficinas municipais) xunto coa seguinte documentación:}

• ^{Fotocopia do DNI do solicitante.}
• ^{Fotocopia do libro de familia no que figuren todos os membros da unidade familiar.}
• ^{Fotocopia da declaración da renda de 2017 dos pais ou titores legaisFacturas orixinais ou, no seu caso, certificado selado expedido polo centro educativo que acredite o gasto en material escolar ou libros para o alumnado de Infantil.}
• ^{Certificado da matrícula expedido polo centro educativo ou resgardo de ter pagada a matrícula selado pola entidade bancaria para o alumnado de Bacharelato, FP, Universidade, ensinanzas artísticas superiores e alumnado con necesidades educativas especiais.}
• ^{Declaración responsable de encontrarse ao corrente das obrigas tributarias e da Seguridade Social e de non estar incurso en ningunha das prohibicións para obter a condición de beneficiario de subvencións públicas (descargar impreso AQUÍ).}

^{Outra documentación complementaria que tamén pode aportarse:}

• ^{Certificado que acredite o grao de minusvalía ou incapacidade igual ou superior ao 33% de algún membro da unidade familiar.}
• ^{Certificado que acredite a situación de desemprego por un período superior a 6 meses durante 2018 dalgún membro da unidade familiar.}
• ^{Documentación acreditativa da situación de familia monoparental ou de ausencia de ambos proxenitores.}

^{O goberno local lamenta que a concesión das axudas tivera que atrasarse debido a modificacións lexislativas do Goberno central. A liña de subvencións está aprobada pola Xunta de Goberno Local dende o pasado 1 de agosto, se ben o Ministerio esixiu a realización dunha serie de trámites previos á publicación das bases e que foron o motivo real do atraso.} 

As bases completas da convocatoria de axudas para material e transporte escolar poden descargarse ou consultarse no seguinte enlace: https://boppo.depo.gal/web/boppo/detalle/-/boppo/2018/10/09/2018049362